ട്രാന്‍സ്ലിറ്ററേഷന്‍ / ഇന്‍സ്ക്രിപ്റ്റു്

അടുത്തതു് >>

യൂണിക്കോഡു് മലയാളം രണ്ടു തരത്തില്‍ റ്റൈപ്പു് ചെയ്യാം

൧. ട്രാന്‍സ്ലിറ്ററേഷന്‍ അധവാ ഉച്ചാരണ രീതിയില്‍ മംഗ്ലീഷില്‍
൨. ഇന്‍സ്ക്രിപ്റ്റ് രീതിയില്‍ നേരിട്ടു് മലയാളത്തില്‍

താഴെ പറയുന്ന കാര്യങ്ങള്‍ ശരിയാണെങ്കില്‍ നിങ്ങള്‍ ട്രാന്‍സ്ലിറ്ററേഷന്‍ മംഗ്ലീഷില്‍ തന്നെ തുടരുന്നതാവും നല്ലതു്

൧. നിലവില്‍ നല്ല വേഗതയുണ്ടെങ്കില്‍
൨. അക്ഷരങ്ങള്‍ എല്ലാം വ്യക്തമായി കിട്ടുന്നുണ്ടെങ്കില്‍
൩. ഫണറ്റിക്കു് രീതി ആണു് ഇഷ്ടമെങ്കില്‍
൪. ഒരു മലയാളം കീ ബോര്‍ഡു കൂടി പഠിക്കാന്‍ ഉത്സാഹം ഇല്ലെങ്കില്‍
൫. വിന്‍ഡോസില്‍ മലയാളം ആക്റ്റിവു് ആക്കാന്‍ താല്പര്യമില്ല എങ്കില്‍
൬. മലയാളം മലയാളത്തില്‍ എഴുതുവാന്‍ അറിയില്ല എങ്കില്‍
൭. മുമ്പേ ഗമിക്കും ഗോപു തന്റെ പിമ്പേ ഗമിക്കാനാണു താല്പര്യമെങ്കില്‍
൮. "സ്വന്തം മാതൃഭാഷ റ്റൈപ്പടിക്കാന്‍ അന്യഭാഷയെ ആശ്രയിക്കുന്നതില്‍ എന്താണു തെറ്റു് " എന്നാണു സമീപനം എങ്കില്‍
൯. അന്യരുടെ അനേകം കംപ്യൂട്ടര്‍ ഉപയോഗിക്കേണ്ടിവരുന്നുണ്ടെങ്കില്‍

മലയാളം യുണിക്കോഡു് മലയാളത്തില്‍ റ്റൈപ്പു് ചെയ്യുന്നതു കൊണ്ടുള്ള പ്രയോജനം

൧. ഭാവിയില്‍ ഇതായിരിക്കും മലയാളികള്‍ ഉപയോഗിക്കുവാന്‍ പോകുന്നതു്
൨. വേഗതയേറിയ പദ്ധതി
൩. ഇന്റര്‍നെറ്റില്‍ പ്രായോഗികം
൪. കടലാസില്‍ എഴുതുന്ന രീതി
൫. കീസ്ട്രോക്കുകള്‍ താരതമ്യേന കുറവാണു്
൬. ചില്ലക്ഷരങ്ങളും കൂട്ടക്ഷരങ്ങളും വ്യക്തമായി ലഭിക്കും
൭. വളരെ സങ്കീര്‍ണമായ കൂട്ടക്ഷരപ്രയോഗങ്ങളും എളുപ്പാണു്
൮. എല്ലാ ഭാരതീയ ഭാഷകള്‍ക്കും ഒരേ അക്ഷരവിന്യാസമാണു്
൯. ഒരു ഭാരതീയ ഭാഷ റ്റൈപ്പു് ചെയ്യാന്‍ പഠിച്ചു കഴിഞ്ഞാല്‍ മറ്റു ഭാഷകള്‍ എളുപ്പമായി ചെയ്യാം
൧0. അധികഭാഷ ആക്റ്റിവു് ആക്കുന്നതു് ഒരിക്കല്‍ മാത്രം മതി
൧൧. പരിശീലനത്തിനു On-screen keyboard അല്ലെങ്കില്‍ On-line keyboard ലഭ്യമാണു്
൧൨. മലയാളവും ഇംഗ്ലീഷും ഇടകലര്‍ത്തി റ്റൈപ്പടിക്കാന്‍ എളുപ്പമാണു്
൧൩. അഞ്ജലി പഴയ ലിപി ഉപയോഗിച്ചാന്‍ രണ്ടു ഭാഷയില്‍ മാറി മാറി റ്റൈപ്പടിക്കാം
൧൪. ഭാഷ മാറ്റി റ്റൈപ്പടിക്കുമ്പോള്‍ കൂടെക്കൂടെ ഫോണ്ടു മാറ്റേണ്ട ആവശ്യം ഇല്ല
൧൫. മലയാളത്തെ മലയാളമായി തന്നെ കംപ്യൂട്ടര്‍ തിരിച്ചറിഞ്ഞു പ്രവര്‍ത്തിക്കുന്നു.
൧൬. അച്ചടിച്ച ഫൈല്‍ ലോകത്തുള്ള ഏതു കമ്പ്യൂട്ടറിലും വായിക്കുവാന്‍ സാധിക്കും.
൧൭. कखगघङ चछजझञ टठडढण तथदधन पफबभम यरलव षषसह क का कि की कु कू कृ कॆ के कै कॊ को कौ कं कः എന്നിങ്ങനെ രണ്ടോ അതില്‍ കൂടുതല്‍ ഭാഷകള്‍ ഒരൊറ്റ ഇന്‍സ്ക്രിപ്റ്റു് കീബോര്‍ഡു് ഉപയോഗിച്ചു റ്റൈപ്പു് ചെയ്യുവാന്‍ സാധിക്കും.  ഉദാഃ English മലയാളം हिन्दि
൧൮. മംഗ്ലീഷു് മാല്‍ഫബറ്റു് പഠിക്കാനുള്ള അത്രയും ബുദ്ധിമുട്ടില്ല മലയാളം കീ വിന്യാസം പഠിക്കാന്‍.

(ട്രാന്‍സ്ലിറ്ററേഷന്‍ സമ്പ്രദായത്തില്‍  റ്റൈപ്പു് ചെയ്യുമ്പോള്‍ സ്വന്തം മാതൃഭാഷയായ മലയാളം അക്ഷരങ്ങള്‍ കിട്ടുവാന്‍ വേണ്ടി സായിപ്പിന്റെ ഇംഗ്ലീഷു് അക്ഷരങ്ങളെ ആണു് ആശ്രയിക്കേണ്ടി വരുന്നതു്. റ്റൈപ്പടിക്കുമ്പോള്‍ മംഗ്ലീഷില്‍ അക്ഷരത്തെറ്റു് സംഭവിച്ചാല്‍ ഉദ്ദേശിക്കുന്ന മലയാള അക്ഷരം കിട്ടി എന്നു വരില്ല. ട്രാന്‍സ്ലിറ്ററേഷനു പഠനം ആവശ്യമില്ല എന്നു പറയുന്നതു് വെറുതെയല്ലേ? എന്തായാലും, ഒന്നുകില്‍ മലയാള അക്ഷരങ്ങളുടെ മംഗ്ലീഷു് സ്പല്ലിംഗു് പഠിക്കണം അല്ലെങ്കില്‍ മലയാളം കീ വിന്യാസം പഠിക്കണം! എന്നാല്‍ പിന്നെ മുകളില്‍ വിവരിച്ച പ്രയോജനങ്ങള്‍ കണക്കിലെടുത്തു് ഒരു തീരുമാനത്തില്‍ എത്തിക്കൂടെ? എതായാലും നനഞ്ഞു. ഇനിയിപ്പോള്‍ കുളിച്ചു കയറുന്നതു മലയാളം മലയാളത്തില്‍ റ്റൈപ്പു് ചെയ്യുന്ന ഇന്‍സ്ക്രിപ്റ്റു് സമ്പ്രദായത്തില്‍ തന്നെ എന്നു ചിന്തിച്ചുകൂടെ? മലയാള അക്ഷരങ്ങള്‍ എങ്ങനെയാണു് കീബോര്‍ഡില്‍ വിന്യസിച്ചിരിക്കുന്നതു് എന്നു മനസ്സിലാക്കിക്കഴിഞ്ഞാല്‍ പിന്നെ മലയാളം മാത്രം ചിന്തിച്ചുകൊണ്ടു മലയാളത്തില്‍ തന്നെ റ്റൈപ്പടിക്കാം. ഒന്നുമില്ലേല്‍ നമ്മള്‍ മലയാളികള്‍ അല്ലേ? മലയാളം അല്ലേ നമ്മുടെ മാതൃഭാഷ?)

യൂണിക്കോഡു് കൊണ്ടുള്ള പ്രയോജനം

൧. ഒന്നില്‍ കൂടുതല്‍ ഭാഷകള്‍ ഒരേ ഫയലില്‍ റ്റൈപ്പു് ചെയ്തു സൂക്ഷിക്കാം
൨. അക്ഷരത്തെറ്റുകള്‍ കണ്ടു പിടിക്കാം
൩. വാക്കുകളും വരികളും അക്ഷരമാല ക്രമത്തില്‍ നിരത്താം
൪. ഏതെങ്കിലും ഒരു മലയാളം യൂണിക്കോഡു് ഫോണ്ടു് കംപ്യൂട്ടറില്‍ ഉണ്ടായാല്‍ മതി
൫. ഏതു ആപ്ലിക്കേഷനിലും മലയാളം ഉപയോഗിക്കാം
൬. ഒരിടത്തു നിന്നും വേറൊരിടത്തേക്കു് പകര്‍ത്തി ഒട്ടിക്കാം
൭. മലയാളത്തില്‍ ഈമെയില്‍ അയക്കാം
൮. ഇന്റര്‍നെറ്റിലും കംപ്യൂട്ടറിലും വിവരം തിരയാം
൯. ഇന്റര്‍നെറ്റില്‍ ലഭ്യമായ മലയാളം താളുകള്‍ വായിക്കാം
൧0. 

ഇന്‍സ്ക്രിപ്റ്റു് പദ്ധതിക്കു് ജനപ്രീതി ലഭിക്കാന്‍ വൈകുന്നതിനു കാരണം

൧. ജനകീയമായ ട്രാന്‍സ്ലിറ്ററേഷന്റെ സാന്നിധ്യം
൨. ഇന്‍സ്ക്രിപ്റ്റു് പദ്ധതിയെപ്പറ്റിയുള്ള അജ്ഞത
൩. വിന്‍ഡോസില്‍ ഡിഫാള്‍ട്ടായി ആക്റ്റിവു് അല്ലെന്ന കാരണം
൪. പുതിയ രീതിയിലേക്കു് മാറാനുള്ള മടി
൫. ഇതിലേക്കു് മാറുമ്പോള്‍ വേഗത കുറയുമോ എന്ന ആശങ്ക
൬. ഭാഷാക്ഷരങ്ങളെപ്പറ്റിയുള്ള അജ്ഞത (കേരളത്തിനു പുറത്തു സ്ക്കൂള്‍ വിദ്യാഭ്യാസം ചെയ്തവര്‍ )
൭. മാതൃഭാഷയോടുള്ള അവഗണന (ഇതാണു് ഇന്നത്തെ ഏറ്റവും വലിയ പ്രശ്നം, പ്രത്യേകിച്ചും യുവതലമുറക്കാര്‍ക്കിടയില്‍ )
൮. ദ്വിഭാഷാ കീബോര്‍ഡിന്റെ ദുര്‍ലഭ്യത
൯. ഉപയോഗിക്കുന്ന കംപ്യൂട്ടര്‍ എല്ലാറ്റിലും ഈ സംവിധാനം ഉണ്ടായെന്നു വരില്ല

കൂടുതല്‍ വിവരങ്ങള്‍ ഇവിടെയും , വീഡിയോ ഇവിടെയും

		ട്രാന്‍സ്ലിറ്ററേഷന്‍	ഇന്‍സ്ക്രിപ്റ്റു്
പഠനം		ട്രാന്‍സ്ലിറ്ററേഷന്‍ മംഗ്ലീഷു് പഠിക്കണം		ഇന്‍ക്രിപ്റ്റു്  അത്യാവശ്യം
എന്തു് ഇന്‍സ്റ്റാള്‍ ചെയ്യണം		Transliteration Software		Winscript (Windows Indian Script), Font
കീ ബോര്‍ഡു്		Qwerty		പ്രത്യേകം ലേബല്‍ ചെയ്യണം.
കീ ബോര്‍ഡു് പഠനം		Qwerty അറിഞ്ഞാല്‍ മതി		അക്ഷരങ്ങളുടെ സ്ഥാനം പഠിക്കണം. അതിനായി കീബോര്‍ഡിന്റെ ചിത്രത്തിന്റെ പകര്‍പ്പു് എടുത്തു് സൂക്ഷിക്കുക
ഭാഷാക്ഷര പരിജ്ഞാനം		ആവശ്യമില്ല		അത്യാവശ്യം
ടെക്നിക്കു്		റ്റൈപ്പു് ചെയ്ത മംഗ്ലീഷിനെ മലയാളം ആക്കുന്ന സോഫ്റ്റു്വേര്‍		മലയാളം നേരിട്ടു് റ്റൈപ്പു് ചെയ്യാം
കോപ്പി പേസ്റ്റു്		വേണം		വേണ്ട
തയ്യാറെടുപ്		ട്രാന്‍സ്ലിറ്ററേഷന്‍ സോഫ്റ്റു്വേര്‍ ഒരോ പ്രാവശ്യവും തുറക്കണം		വിന്‍ഡോസില്‍ മലയാളം ഒരിക്കള്‍ മാത്രം ക്രമീകരിച്ചാല്‍ മതി
കീബോര്‍ഡു് ലേഔട്ടു്		Qwerty		Bilingual Keyboard – വ്യഞ്ജനങ്ങള്‍ വലതു വിരലിലെ കീകളിലും സ്വരങ്ങള്‍ ഇടതു വിരലിലെ കീകളിലും.
റ്റൈപ്പിംഗു് രീതി		മംഗ്ലീഷു് - അതായതു് മലയാളം അക്ഷരങ്ങളെപ്പറ്റി ആലോചിക്കാതെ ഇംഗ്ലീഷില്‍    മലയാളം സംസാരിക്കുന്നതു് പോലെ		മലയാളം മലയാളത്തില്‍ എഴുതുന്നതു് പോലെ
ഉദാഹരണം		ഇംഗ്ലീഷു് കീബോര്‍ഡു് ഉപയോഗിച്ചു് തന്നെ " m a l a y a l a m "എന്നു് റ്റൈപ്പു് ചെയ്താല്‍ " മലയാളം " എന്നു് കിട്ടും		നമ്മള്‍ മലയാളം എഴുതുന്നതു് പോലെ തന്നെ " മ ല യ ാ ള ം " എന്നു് റ്റൈപ്പു് ചെയ്താല്‍ " മലയാളം " എന്നു് കിട്ടും
Web friendly?		തരക്കേടില്ല		ഉഗ്രന്‍
കീ സ്ട്രോക്കുകളുടെ എണ്ണം		കൂടുതല്‍		കുറവു്
കീ സ്ട്രോക്കിന്റെ എണ്ണം ഉദാഃ		Malayalam = 9		മ ല യ ാ ള ം = 6
റ്റൈപ്പു് ചെയ്യാന്‍ വേഗത		ഇംഗ്ലീഷു് റ്റൈപ്പു് ചെയ്യുന്ന സ്പീഡു്		കൂടുതല്‍ സ്പീഡു്
കീ കോമ്പിനേഷന്‍ പഠനം		വേണം		വേണ്ട
അക്ഷരത്തെറ്റുകള്‍		കൂടുതല്‍		കുറവു്
അക്ഷരസ്പഷ്ടത		തരക്കേടില്ല		വ്യക്തം
ചന്ദ്രക്കല		അവ്യക്തം - ഉദാഃ ത് ന് ണ്		വ്യക്തം - ഉദാഃ തു് നു് ണു്
കൂട്ടക്ഷരം		അവ്വ്യക്തം		വ്യക്തം - ഉദാഃ ക ് ത = ക്ത
ചില്ലക്ഷരം		അവ്വ്യക്തം - ഉദാഃ ന്		വ്യക്തം - ഉദാഃ ന ് ] = ന്‍
മലയാളം അക്കങ്ങള്‍		ഇല്ല		ഉണ്ടു് - ൧൨൩൪൫൬൭൮൯o
സഹായഹസ്തം		ഉണ്ടു്		ഉണ്ടു്
ഓണ്‍ലൈന്‍ പരിശിലനം		ഉണ്ടു്		ഉണ്ടു്
വര്‍ച്വല്‍ കീബോര്‍ഡു്		ഉണ്ടു്		ഉണ്ടു്
ഇത്തരം സംവിധാനം ഉണ്ടു് എന്നു് അറിയാവുന്നവര്‍		കൂടുതല്‍		കുറവു്
തല്പരര്‍		സ്വദേശി മലയാളികള്‍		വിദേശി മലയാളികള്‍
പ്രവര്‍ത്തിപരമായി താല്പര്യമുള്ളവര്‍		ചാറ്റിംഗു് ധാരാളമായി ഉപയോഗിക്കുന്നവര്‍		എഞ്ചിനീയര്‍മാര്‍., മാധ്യമ പ്രവര്‍ത്തകര്‍, വിദ്യാര്‍ത്ഥികള്‍, പൊതു പ്രവര്‍ത്തകര്‍, സാഹിത്യകാരന്മാര്‍, അഭിഭാഷകര്‍,
ഒട്ടും താല്പര്യം കാണിക്കാത്തവര്‍				കംപ്യൂട്ടര്‍ വില്പനക്കാരും അവരുടെ സര്‍വ്വീസ്സ് ടെക്‍നീഷ്യന്മാരും

ഇതു് ഒന്നു റ്റൈപ്പു് ചെയ്യുവാന്‍ പറ്റുമോ എന്നു് നോക്കൂ

"ഓതറവളവിലൊരകവളവിലൊരുതിരിവളവിലൊരൊതളത്തേല്‍ പത്തിരുപത്തഞ്ചുളിഒതളങ്ങ"

അടുത്തതു് >>